31 de maio de 2017

Encontro na libraría Berbiriana


A magnífica acollida de Cristina, que nos preparou uns zumes deliciosos e nos permitiu sentirnos como na nosa propia casa, converteron este encontro do Club de lectura en familia nun dos mellores de todo o curso e a libraría Berbiriana na nosa favorita.
As imaxes aparecen no punto 9 do Paseo literario; a  continuación compartimos as novidades que nos chamaron a atención.

Hecho con Padlet

30 de maio de 2017

A viaxe de Gagarin. Paseo literario



Despois de varios aprazamentos, e sen a participación completa, o 29 de maio fixemos o percorrido literario polos espazos da novela de Agustín Fernández Paz: A viaxe de Gagarin.
O seguinte mapa indica as paradas principais do percorrido, adaptadas ao espazo urbano máis do que á cronoloxía narrativa.
A parada na libraría Berbiriana  foi un dos mellores momentos do percorrido.

27 de abr. de 2017

A viaxe de Gagarin

 
A viaxe de Gagarin iníciase o 12 de abril de 2011, cando se cumpren os 50 anos da viaxe de Iuri Gagarin. O narrador e protagonista é, nese momento, un home duns 60 anos, que está coidando á nai moribunda;  decide contar a época que compartiu cos seus pais; máis concretamente a época que coincide coa estadía da familia na Coruña (1961-1969) A partir dunha redacción escolar sobre a viaxe do cosmonauta ruso, os compañeiros empezan a chamalo Gagarin. O rapaz, Miguel/ Gagarín  vive a súa adolescencia - con experiencia amorosa incluída- nos anos sesenta.  O descubrimento da dobre vida que levan os pais  non só explica unha época senón que os converte en verdadeiros heroes co tanto mérito como os seus heroes xuvenís.


Booktrailer
https://www.youtube.com/watch?v=Ol5FPnXukQ8

“'A viaxe de Gagarin' forma parte dun axuste de contas cos sesenta”

 Entrevista a Agustín Fernández Paz en PRAZA


A viaxe de Gagarin | RESEÑA



Blog da novela
http://agustinfernandezpaz.gal/gagarin/#wrapper

Radio Pirenaica
http://agustinfernandezpaz.gal/aqui-radio-espana-independiente-estacion-pirenaica/ 


Este vídeo hai que velo:
https://www.youtube.com/watch?v=D-UVFChNpfA

19 de abr. de 2017

Cita con textos d' O principiño en Marineda

Unha vez máis temos unha actividade externa que parece pensada para o noso Club de lectura en familia. Despois de lermos O principiño tivemos a posibilidade de ver o filme de animación Le Petit Prince de Mark Osborne no Forum Metropolitano.
Esta vez a actividade estará aínda máis próxima ao centro cá anterior; será en Marineda,  será de balde e ideal para toda a familia.